MAMMELUCI

MAMMELUCI

nomen militum, sub Sultanis Aegypti, fignificat Servos seu Milites. Communiter e Christianis legebantur et caelibes erant: Ex illis Sultani desumpti, et praecipui militiae regnique proceres. Primi ex Circassia in Aegyptum venisse, primumque circa A. C. 1250. innotuisse dicuntur, eô tempore, quô Ludovicus IX. contra Saracenos moverat. (Aliis ad A. C. 869. illos referentibus, quo Achmadum fil. tolonis, qui servus fuerat, post Elmustein trucidatum, Aegypti Syriaeque Regem secerint.) Dein per duo saecula clari, A. C. 1516. a Selimo, Imperat. Turcico Campsone Sultano, prope Alepum occisô, victi, Tomumbeium huius locô sibi praefecerunt, ab eodem similiter superatum, A. C. 1517. et Cariô captô, infelici ligno affixum. Sic Mammelucorum imperio, post ann. 267. finis impositus est. Pet. Martyr. Anglerius, Hist. Leg. Aegypt. Paul. Iovius hist. libr. 17. et 18. Chalcocondyl. l. 3. Baudier. Hist. Turc.